هل الحب موجود؟

دائما كان يخطر عبالي إذا الحب للي بالروايات وبالأفلام موجود لأن كلنا هيك منفكر بمرحلة معينة من حياتنا بس أنا بعد تجارب كتيرة مريت فيا وصلت لنتيجة إنو يا مو موجود يا أما نحنا ما منعرف شو يعني حب لسه
وهي قصة صارت مع وحدة رفيقتي(بدون ذكر أسماء) هيي حبت واحد وضلت معو أربع سنين ووقفت جنبوا كتير وبعدين قرر يسافر على ألمانيا ليخدم جيش لأن هوي معو جنسية ألمانية وسافر وهيي وعدتو تنطرو ودايما كان يقللا أنا بجوز ما إرجع بعدين يقللا بجوز إرجع بعد سنة وبعدين يقللا بجدوز سنتين وشي يقللا طلعي إنتي وهيي متحملة وساكتة لحتى آخر شي تركا وقللا دوري على واحد تاني
فشو رأيكن بهالقصة للي في متلا كتير
بتقولو الحب موجود؟

[b]الحب أكيد موجود ...
عاطفة بتخلق مع كل إنسان من الولادة ...وهاي رفيقتك حبت من قلبها إنسان يمكن يكون أحبها بالبداية بصدق ولما شاف انه هالحب إذا استمر رح يتعارض مع مخططاته ...أو يفشل سعيه للمستقبل ...خاصة إذا كانوا مختلفين بالدين والعقيدة ..لانه إذا استمر رح يلاقوا المعارضة والاستنكار من الأهل بالطرفين ...
على الأغلب صاحبنا ما كان حبه لصديقتك صادق وإلا كان تمسك فيها برغم كل الضغوطات أو العراقيل ...مؤسف وضعها اللي ما بتنحسد عليه .
الله يكون بعونها وإن شاء الله يعوض عليها بأحسن منه .

وأنا رأيي من راي السيدة لوتس الحب موجود يعني قصة صديقتك مو عبرة ليكون أغلب القصص هيك
بعدين أنا بقولبالنسبة لصديقتك لو هو فعلا حبا بالبداية ولاقى انو هالشي رح يتعارض مع مشاريعه المستقبلية ..كان من الأول قلا انو مافيه يكمل..
مو يخليها تنطر كل هالسنين ويخليها تتعلق فيه أكتر..
شكرا الك عالموضوع الحلو ..

سؤال كتير بيخطر عالبال بس أنا برأيي أنو الحب موجود وموجود بقوة وبصدق عند كتير من الناس واكيد لكل قاعدة شواذ
بس أنا بحس أنو الحب لو كانت نهايته الفشل مع هيك هو قصة كانت حلوة بوقتها
الله لا يفرق المحبين

الحب موجود وان فشلنا في كثير من الاحيان حتى وعندما نفشل فيه يجب علينا الا نلقِ اللوم على الحب ....!


لاننا نكون قد اخترنا الخيار الخاطئ كما في كثير من الاحيان..!


شكرا جيسكالا على الموضوع المهم....

اكيد الحب موجود و ما في عليه ذنب الذنب على الناس اللي بتشوه الحب و ما بتعطي عنو الصورة الحقيقية لهيك منحسو احيانا مو موجود ..شكرا جيسكالا موضوع مهم

اكيد الحب موجود وهو رائع جدا ولكن اذا كان صادقا وانا من خلال تجربتي القليلة بهالحياة اقتنعت وبقوة ان الحب لا ياتي الا بعد الخطوبة والزواج طبعا هذا من وجهة نظري البسيطة وشكرا على الموضوع




ابو علندى

اكيد الحب موجود
بس صورة وحدة من المجتمع مايعني كل المجتمع
ومو كل اصابعك متل بعض وما اي شي بيتعمم على كل شي شوفي نص الكاسة المليان وماتشوفي نص الكاسة الفاضي
الحب قبل الخطبة وبعد الخطبة وبعد الزواج وبأي مرحلة من مراحل الحياة
موجود ورح يضل بس حدا يعرف ويحس بوجوده ويتصرف معو متل مااسمو (الحب)
شكرا جيسكالا موضوعك له فروع ويحتاج لنقاش واجابتي مختصرة

انا من رأي شامي الهوى
عندما نحنب علينا ان نفكر جيدا هل هذا الشخص مناسب
العاطفة تأتي باتفاق العقل بما يتناسب مع ما نريده بهذه الحياة
وقصة صديقتك نرى مثلها الكثير لان بناتنا في هذه الايام لا يعرفن من الحب سوى احبك وملحقاتها ولا يفكرن باحتمالية مناسبة هذا الشخص معهن ولا يفكرن بالمستقبل للاسف
شكرا على موضوعك