تُرى يا admin لو هالفتاة بتكتب بجريدة او مجلة ....يعني بتشتغل بالصحافة وكلنا منعرف الصحافة قديش بتحتاج للاختلاط بالناس والولوج بينهم أحيانا بعقر دارهم ...تستقصي وتسأل وتحاور ..
ياترى كانت صارت محترمة اكتر من اللي بتكتب بمنتدى وهي بقلب بيتها ومن غير ما تتعاطى مع فلان او علان وجهاً لوجه ...عم تفيد بثقافتها واطلاعاتها ومعلوماتها وعم تاخد اللي ناقصها مباشرة ...وتغتني على كل صعيد من صعد المعرفة ؟؟؟
بعتقد انه البنت اللي بتكون بالمنتدى وبتجمع هالصفات هي محترمة اكتر من غيرها .., وخاصة إذا كانت مؤدبة بتحدثها وكلامها مع الآخرين وعاملة خطوط حمراء لا هي بتتجاوزها ولا بتسمح للآخرين يتجاوزوها معها .
ناقصنا شوية شمس لتشميس هالعقول العفنة يمكن تنضف من العفن ويبطلوا يفكروا بهالطريقة .
ذكرتني قصتك بالمرأة السعودية الممنوعة من قيادة السيارة ...قانون متخلف أحمق وأخرق
لانه المرأة اذا بتسوق سيارة بتبقى محتشمة بداخلها ...لاعم تتنطط على الطرقات ولا عم تبين مفاتنها وتغوي ضعفاء النفوس .
الجمعة ديسمبر 12, 2008 2:29 pm
